حلمنتيش

موضوع: حلمنتيش الخميس ديسمبر 18, 2008 12:51 pm

[size=21]برضو تقول بهواك

بس اقوليك عن الخبر الكتمتو سنين
نحنا الحب معانا محال لاننا فى الفلس ساكنين
هوانا برانا بنعرفو واحد فول معاه عيشتين
كيف بالله نهواك وانتى الابسه مال شهرين
انتو الروقه والراحه عماره حلوه من طابقين
ونحن الفلسه والقرفه اوضه وحيده من الطين
واللبسه والقشره التشوفا العين
شده وراجعه لى سيده الصبر يومين
ركوبك شبح وكريسيدا ولو بالغتى بالونتين
ونحن من الحوامه اتبرطو الكرعين
وبرضو تقولى اهواك وخلاص اتوحدو القلبين
طبيعه ركوبنا دفارات مقعد كورنه مندسين
نخاف نتلاقا بالعرفه لان الجيب دوام تسخين
نفطر ويكه وام تكشو والغدا عندنا سايرين
لاضقنا اسكريم لولى ولا صيفنا فى البحرين
وبرضو تقولى اهواك وخلاص اتوحدو القلبين
وكيف ياحلوه يتوحد التجارى والتومين
ولو ده حصل رغم الفرقه رغم البين
تنزلى من عماراتك تكابسى البص مع الدايشين
تزورى امبده والمنفى تصيبك رعشة الرجلين
تطيرى فى عيوناتك من عفصة حبوبه ام زين
من مشوار يهد الحيل تشوفى الساعه زى يومين
تضوقى الهارى والمقلى تجيكى ملاريا فى ساعتين
حليل مامى وحليل سوسو وحليل نسرين
ولما يقولو ليكى احكى موقف عصيب وحزين
تعيدى القصه من اول تزيدى عليها قيراطين
تكون مقامره فى عيونهم ده لو ما بطله فى اوشين
وبرضو تقولى اهواك وخلاص اتوحدو القلبين

[/size]